Scam of Umang Thakkar, owner of Dharmadev Infrastructure: Houses sold without BU permission in Swaminarayan Park
Scam of Umang Thakkar, owner of Dharmadev Infrastructure: Houses sold without BU permission in Swaminarayan Park
Thank you for reading this post, don't forget to subscribe!અમદાવાદના નવા નરોડામાં ધર્મદેવ ઇન્ફ્રાસ્ટ્રક્શનના માલિક ઉમંગ ઠક્કર પર ગંભીર આક્ષેપો થયા છે. તેમણે સ્વામિનારાયણ પાર્કમાં BU પરમિશન લીધા વગર મકાન બાંધી વેચાણ કર્યું હોવાનું બહાર આવ્યું છે. AMCએ નોટિસ આપી કાર્યવાહી શરૂ કરી છે.
અમદાવાદના નવા નરોડા વિસ્તારમાં આવેલ સ્વામિનારાયણ પાર્ક હાઉસિંગ પ્રોજેક્ટમાં મોટું કૌભાંડ સામે આવ્યું છે. બિલ્ડર તથા ધર્મદેવ ઇન્ફ્રાસ્ટ્રક્શનના માલિક ઉમંગ ઠક્કર પર BU પરમિશન લીધા વગર જ રહેણાંક મકાનો બાંધી વેચાણ કરવાનો આક્ષેપ થયો છે.
મ્યુનિસિપલ કોર્પોરેશન (AMC) દ્વારા તપાસ હાથ ધરતાં ખુલ્યું કે બિલ્ડરે કાયદેસર મંજૂરી લીધા વિના મકાનો તૈયાર કરી રહીશોને આપી દીધાં છે. જેના કારણે AMCએ રહીશોને નોટિસ પાઠવી અને બિલ્ડર સામે કાર્યવાહી શરૂ કરી છે.
રહીશોના જણાવ્યા મુજબ, મકાન ખરીદતી વખતે બિલ્ડરે તમામ કાયદેસર મંજૂરી હોવાનું જણાવ્યું હતું, પરંતુ હવે તેઓ AMCની નોટિસ પછી ચિંતામાં મુકાયા છે.
કોર્પોરેશનના અધિકારીઓએ જણાવ્યું કે જો બિલ્ડર સમયસર BU પરમિશનના પુરાવા રજૂ નહીં કરે, તો આગળ જઈ સીલિંગ અથવા ડિમોલિશન કાર્યવાહી પણ થઈ શકે છે.
About The Author
